બાળસંસદ ઊજવણી પ્રક્રિયા - નગર પ્રાથમિક શાળા નંબર. 31, ધોળાકૂવા, બાકરોલ, આણંદ.

બાળ સંસદ 

ઉદ્દેશ્ય :- બાળકો લોકશાહી એટલે શું ? તે જાણે છે, ચૂંટણી પ્રક્રિયા વિશે જાણે છે અને લોકશાહી પદ્ધતિથી કાર્ય કેવી રીતે કરવામાં આવે છે તે જાણે છે.

   બાળકોમાં સુટેવોનું ઘડતર નાનપણથી જ કરવામાં આવે તો ઉત્તમ. બાળપણમાં કેળવાયેલી સુટેવોમાં મનુષ્યનું ઉત્તમ રીતે ઘડતર કરે છે તેથી જ પ્રાથમિક શાળા કક્ષાએ શિક્ષણની સાથે સાથે બાળકમાં ઉત્તમ ગુણો વિકસે તે દિશામાં કાર્ય કરવું જરૂરી બને છે.

   બાળ સંસદ એટલે બાળકોની, બાળકો દ્વારા અને બાળકો માટે ચાલતી સંસદ કે જેમાં બાળકો શાળા અને વર્ગખંડના નીતિ નિયમો ઘડવામાં સક્રિય ભાગ લે તેમજ શાળાના વ્યવસ્થાપનમાં વિકાસમાં સુધારણામાં અને નિર્ણયોમાં ભાગીદાર થાય.

    પ્રાથમિક શાળાઓમાં બાળકોનું ભાવિ ઘડાય છે. વળી વયસ્તવ્યક્તિઓ કરતા બાળકોની શીખવાની ઝડપ વધુ હોય છે એમાં એ વર્તનની ટેવોને તો તરત જ આત્મસાત કરે છે. શાળાઓ બાળકોને જ્ઞાન આપવાની સાથે સાથે પરોક્ષ રીતે માતા પિતા તથા સમુદાયની પણ સામેલ થવાની તક પૂરી પાડે છે સાથે સાથે બાળકો અસરકારક રોલ મોડલ પણ હોય છે. તેઓ શાળામાં જે કંઈ નવી સારી વર્તણુક શીખે છે તે અન્ય બાળકો તેમજ ભાઈ બહેનને પણ શીખવે છે એટલું જ નહીં ભવિષ્યમાં એ પોતે જ્યારે માતા પિતા બને છે ત્યારે પોતાના સંતાનોને પણ શીખવે એવી પૂરી શક્યતા રહે છે. 

     બાળ સંસદની રચના લોકશાહી પદ્ધતિથી કરવામાં આવે છે. જેમાં શાળાના બધા વિદ્યાર્થીઓ અને શિક્ષકો ચૂંટણીની પ્રક્રિયા દ્વારા મહામંત્રી, શિક્ષણ મંત્રી, આરોગ્ય મંત્રી, પાણી મંત્રી ,સફાઈ મંત્રી, પ્રવાસ મંત્રી અને રમતગમત મંત્રી વગેરેની પસંદગી કરવામાં આવે છે.શાળામાં સક્રિય અને સફળતા 'બાળસંસદ' વિદ્યાર્થીઓને શિક્ષણ, સ્વાસ્થ્યઅને વ્યક્તિગત વિકાસના એક સંદર્ભે એક મહત્વની શરૂઆત થાય છે. જેનાથી બાળકોને શીખવા માટેનું એક વાતાવરણ તૈયાર થાય છે બાળકોમાં નેતૃત્વ, સમુહભાવના, સમયસર નિર્ણય લેવાની ક્ષમતા તેમજ સ્વયંમ શિસ્ત જેવા ગુણો વિકસાવવાની સાથે સાથે રાજનીતિશાસ્ત્ર જેવા વિષયની સમજવામાં પણ મદદ મળી રહે છે. આમ બાળ સંસદ શિક્ષણમાં તેમજ જીવન ઘડતરમાં પણ ઉપકારક બને છે.

બાળકો લો કશાહી પ્રક્રિયા અને લોકશાહી શાસન વિશે સમજે  તે માટે અમારી શાળામાં આજરોજ તારીખ 28 જૂન 2023ને બુધવારના રોજ, બાળસંસદની પ્રક્રિયા હાથ ધરવામાં આવી.

બાળકોમાં નેતૃત્વના ગુણો વિકસે અને પોતાની શાળા માટે સજાગ બને તેમ જ શાળામાં શિક્ષકોની મદદરૂપ બને તે માટેનો આ પ્રવૃત્તિનો મુખ્ય હેતુ હોય છે. બાળકો સામાજિક વિજ્ઞાન વિષય અંતર્ગત રાજનીતિશાસ્ત્ર થી વાકેફ થાય તેમ જ ચૂંટણી પ્રક્રિયા વિશે જ્ઞાન મેળવે તે  હેતુસર શાળામાં બાળ સંસદનું નિર્માણ કરવામાં આવે છે. 

  શાળામાં બાળકોને બાળ સંસદની ચૂંટણીનું જરૂરી માર્ગદર્શન આપવામાં આવ્યું અને જાહેર ચૂંટણી પ્રક્રિયાની  રૂપરેખા તૈયાર કરવામાં આવી.  તે મુજબ જાહેરનામું , ઉમેદવારનું ફોર્મ ભરવાની,  પાછું ખેંચવાની તારીખ તેમજ ચૂંટણીની તારીખો જાહેર કરવામાં આવી. આ માટે ઉમેદવાર બાળકોને જરૂરી પ્રચાર - પ્રસારનો પણ સમય આપવામાં આવ્યો ચૂંટણીના દિવસે જરૂરી સ્ટાફ જેમ કે પ્રિસાઈન્ડિંગ ઓફિસર, આસિ.પ્રિસાઈન્ડિંગ ઓફિસર ,સુરક્ષા કર્મચારી, એજન્ટ  તથા ચૂંટણી કમિશનર વગેરેની નિમણૂક કરવામાં આવી .  તે માટે જરૂરી વર્ગ વ્યવસ્થા પણ કરવામાં આવી.   મતદાન મથક તૈયાર કરવામાં આવ્યું. જેમાં મતપેટી,  મત કુટીર અને બેઠક વ્યવસ્થાને ખાસ મહત્વમાં આપવામાં આવ્યું . કુમાર - કન્યાની અલગ અલગ હરોળમાં રાખીને શાંતિપૂર્ણ રીતે મતદાન પ્રક્રિયા પૂર્ણ કરવામાં આવી.  તેમજ મતદાન પેટી મતદાનના અંગે મતપેટીને સુરક્ષિત મૂકવામાં આવી સમગ્ર પ્રક્રિયામાં બાળકોને શિક્ષકોમાં અનેરો ઉત્સાહ જોવા મળ્યો. 

 શાળામાં ડિજિટલ વોટિંગ પ્રક્રિયાનું આયોજન કરવામાં આવ્યું. બાળકોએ સ્માર્ટ ટી.વી.માં આપેલ લિંક દ્વારા વોટ આપ્યા. બાળકોને ખૂબ આનંદ આવ્યો.આમાં સ્માર્ટ બોર્ડ પર વોટ આપવાના હતાં.  લોકશાહી પ્રક્રિયા મુજબ પણ શાળામાં મતદાન કરવામાં આવેલ. બાળકો આ રીતે અલગ અલગ જરૂરિયાતો મૂજબ આવી લિંક્સ નો ઉપયોગ કરી શકે તે હેતુસર આ લિંક બનાવવામાં આવેલ છે. નીચે આપેલ નામ માંથી તમારે જેને વોટ આપવો હોય તેને વોટ આપો. કોઈને પણ ન આપવો હોય તો છેલ્લે NOTA બટન પર ક્લિક કરો. આ સમગ્ર પ્રક્રિયા ગુપ્ત હોવાથી સ્માર્ટ બોર્ડ પર ક્લિક કરી ( વોટ આપી ) બહાર નીકળી જવું. આ મુજબ સૂચના અને સમજ આપવામા આવી.

   શાળાનાં શિક્ષકો દ્વારા મત ગણતરી કરવામાં આવી. બીજા દિવસે બાળકોને પરિણામ જાહેર કરવામાં આવશે તથા વિજેતા ટીમનું શાળાનાં પ્રાંગણમાં નાનું સરખું સરઘસ કાઢવામાં આવશે અંતે ફૂલહારથી સ્વાગત - સન્માન કરીને બાળકોને ખાતાં ફાળવાશે. કામગીરી સોંપવામાં આવશે. 

  આ રીતે શાળામાં ખૂબ સુંદર રીતે બાળસંસદનું આયોજન કરવામાં આવ્યું.

મતદાન પ્રક્રિયા

સ્માર્ટ બોર્ડ દ્વારાવોટિંગ

વિશ્વ યોગ દિવસ - 21 જૂન 2023, નગર પ્રાથમિક શાળા નંબર. 31, ધોળાકૂવા બાકરોલ આણંદ. ઊજવણી અહેવાલ.

KNOW YOGA, KNOW PEACE,

NO YOGA , NO PEACE

      આજે વિશ્વ યોગ દિવસ (World Yoga Day) તરીકે ઉજવવામાં આવે છે. જેની શરૂઆત નરેન્દ્ર મોદી દ્વારા સૌ પ્રથમ વાર 21 મી જૂન 2015 ના રોજ ઉજવવા માં આવ્યો હતો આજે 2023 ના રોજ આ આઠમો યોગદિવસની ઉજવણી કરવા માં આવી રહી છે.

   અમારી શાળા નંબર 31, ધોળાકૂવા, બાકરોલ આણંદમાં પણ આજે શાળામાં બાળકો સાથે યોગ દિવસ ઉજવવામાં આવ્યો. વહેલી સવારથી જ બાળકોમાં યોગ કરવાનો ઉત્સાહ હતો. અમારી શાળામાં તમામ બાળકોને શાળાના શિક્ષક શ્રીજાગૃતીબેન પંડ્યા દ્વારા યોગથી થતા ફાયદા અને યોગ વિશે માર્ગદર્શન આપી યોગની દર્શન કરાવવામાં આવ્યું. ત્યારબાદ બાળકોને પણ યોગ કરાવવામાં આવ્યા હતા. સદર શાળાના બાળકો અને શિક્ષકોના માધ્યમ દ્વારા આ કાર્યક્રમની ઉજવણી કરવામાં આવી. શાળાનો તમામ સ્ટાફ, આચાર્યશ્રીગાયત્રીબેન મહીડા તથા મઘ્યાહ્ન ભોજનનો સ્ટાફ સૌએ સાથે મળીને યોગ દિવસની ઉજવણી કરવામાં આવી. 

    કાર્યક્રમની રૂપરેખા મુજબ યોગ દિવસ ઉજવણી પ્રાર્થના અને શ્લોકથી કરવામાં આવી. ત્યારબાદ હળવી કસરત જેવી કે , ગરદનનું પરિભ્રમણ અને ખભાનું પરિભ્રમણ કરાવવામાં આવ્યું જેના દ્વારા કાર્યક્રમની વેગ મળ્યો. કાર્યક્રમના ત્રીજા ભાગમાં 15 મિનિટ સુધી યોગાસન કરાવવામાં આવ્યા . જેમાં તાડાસન, વૃક્ષાસન, અર્ધ ચક્રાસન,ત્રિકોણાસન વગેરે કરાવવામાં આવ્યા. ત્યારબાદ બેઠા બેઠા આસનોમાં શ્વજ્રાસન, વક્રાસન , હલાસન, પશ્ચિમોતાનાસન વગેરે આસનો યોગ શિક્ષકના માર્ગદર્શન હેઠળ કરાવવામાં આવ્યા. સૌ સાથે મળીને સુંદર મજાના આસનો કર્યા. ત્યારબાદ ત્રણવાર કપાલભાતિ, અનુલોમવિલોમ પ્રાણાયામ, ૐ કાર પ્રાણાયામ તથા ભ્રામરી પ્રાણાયામ કરાવવામાં આવ્યા સાથે સાથે બાળકોને તેના લાભો વિશેની જાણકારી આપવામાં આવી. છેલ્લે બાળકોને, શ્રીદેવાંશીબેન દ્વારા સિંહાસન અને હાસ્યાસન કરાવવામાં આવ્યું. અંતે બાળકોને દસ મિનીટનું ધ્યાન કરાવવામાં આવ્યું. અંતે સૌએ સાથે મળીને, સમગ્ર વિશ્વમાં એકતા જળવાય, દરેક મનુષ્ય સ્વસ્થ બને, શાંત બને તથા દીર્ઘાયુષ્ય અને આરોગ્ય પ્રાપ્ત થાય તેવો સંકલ્પ લેવામાં આવ્યો.

     અંતે બાળકોને લાઈનબદ્ધ વર્ગમાં જવા સૂચના આપી, બાળકો અને અમે સૌ છૂટા પડ્યા. આ રીતે અમારી શાળામાં વિશ્વ યોગ દિવસની આનંદપૂર્વક ઉજવણી કરવામાં આવી.