આઈ કાર્ડ
આઇ કાર્ડ લાવી જે બાળકો જે અક્ષર નથી ઓળખતાં તે મુજબ જે તે બાળક નું આઈ કાર્ડ તૈયાર કરવુ.
દરેક બાળકોને આઇકાર્ડ આખો દિવસ ગળામાં પહેરાવી રાખવું.
આખો દિવસ બાળક જે તે અક્ષર બોલશે, વાંચશે અને પોતાની નોટબુક લખશે.
આજુબાજુના બાળકો પણ આ અક્ષરો નું વાચન હરતાં ફરતાં કરી, તેનું જ્ઞાન દ્રઢ કરાવશે.
આ રીતે આ પણ વાચન માટે ની એક અનોખી રીત છે.
બાળકો પોતાની આંગળી ના વેઢાઓ માં પણ લખશે, બાળકો આનંદ માણશે .
જાગૃતિ પંડ્યા
આણંદ .
વેસ્ટ માંથી બેસ્ટ
બનાવવાની રીત:
પ્રેસમાં બનતા બેનર્સ ની વેસ્ટ પટ્ટીઓ માં થી સાદડી બનાવી છે.
5-5 આડી અને ઊભી પટ્ટીઓ ગોઠવી.
આ પટ્ટીઓ ને એકબીજાની અંદર ઉપર નીચે ગોઠવી.
જેમ જેમ પટ્ટીઓ ગોઠવાતી જશે, તેમ તેમ સાદડી તેની મજબૂતાઈ પકડતી જશે.
આ રીતે બંને બાજુ થી પટ્ટીઓ ગોઠવવી.
સાદડી તૈયાર થયા પછી આપણે તેની ઉપર માર્કર પેન વડે, જરુરિયાત મુજબ લખી શકાય.
વાંચન માટે પણ ઊપયોગ માં લઈ શકાય.
મૂલ્યાંકન માટે પણ ઉપયોગ માં લઈ શકાય.
બાળકોને સાદડી બનાવતાં શીખવવું.
બાળકો ની ત્રણ ટીમે બનાવેલ સાદડીઓ.
સાદડી ઉપર માર્કર પેન વડે લખવું.
સાદડી માથી વાંચન કરતા બાળકો.
ખર્ચ: 00₹ (સમય )
જાગૃતિ પંડ્યા
આણંદ
દડો રમીએ
નાના નાના દડા
બજારમાં મળતા આવા નાના નાના દડા ઉપર સાદા શબ્દો માર્કર પેન વડે લખ્યા છે .
દડા પર લખેલાં શબ્દો બાળકો વાંચશે.
દડા રમશે.
એકબીજાને શીખવશે.
આનંદ માણશે.
મોટો દડો
મોટો દડો બજારમાં મળે છે.
તેની ઉપર માર્કર પેન વડે ફક્ત મૂળાક્ષરો જ લખ્યા છે.
બાળકો દડો રમશે, મૂળાક્ષરોનુ વાંચન કરશે, આનંદ માણશે.
● વાંચન માટે ના એકનાએક પ્રકારના સાહિત્યો અને કાર્ડ થી કંટાળેલા બાળકોને માટે વાંચન માટેનો એક અનોખો પ્રયત્ન.
ખર્ચ:
નાનો દડો 20₹ નો એક.
મોટો દડો 50₹ નો એક.
જાગૃતિ પંડ્યા
આણંદ
વર્ણશોધ - 2
(1)
આ એક વર્ણશોધની પ્રવૃત્તિ છે.
શાળા ની દિવાલ પર લખેલાં અક્ષર,શિક્ષક ની સૂચનાનુસાર બાળકો શોધશે.
જે બાળકોને જે તે અક્ષર ન આવડે તો બાળક પોતાની નોટબુક માં નોંધ કરશે.
( 2)
આ પણ એક પ્રવૃત્તિ છે.
નાના નાના મણકા પર લખેલાં અક્ષરો બાળકો વાંચશે.
આ બધાં જ મણકા એક પારદર્શક બોટલમાં ભરી લઇ બાળકોની પાસે વાંચન કરાવવું.
અથવા તો , એક એક મણકો લઈ વાંચતા જવું અને દોરામાં પરોવતા જવું.
( 3 )
ઉપરના ફોટામાં બનાવેલ પોસ્ટર પર મૂળાક્ષરોનુ લેખન કર્યું છે.
ફોટો માં કેસરી કલર ના બિલ્લા છે.બિલ્લા પર " હસ્વઇ, દીર્ઘઈ, હસ્વઉ, દીર્ઘઊ, એક માત્ર, બે માત્ર, કાનો માત્ર,,,વિગેરે,,તમામ નિશાનીઓ દોરેલ છે.
બાળકો અલગ અલગ મૂળાક્ષરો આગળ બિલ્લા મૂકી વાંચન કરશે. ઉ.દા. કી, ણુ, ઢે,,,,
ખર્ચ:
કલર 50₹
મણકા 50₹
બિલ્લા 50₹
માર્કર પેન 10₹
જાગૃતિ પંડ્યા
આણંદ
વર્ણશોધ -1
આ રીતે કાળા પાટિયા પર પણ રમાડી શકાય છે.
આ રીતે પોસ્ટર પણ બનાવી શકો છો.
રમવાની રીત:
આ રમત વારાફરતી બાળકોને બોલાવી ને વ્યક્તિગત રમાડવી.
બાળક ના હાથમાં ચોક આપવો.
શિક્ષક જે અક્ષર કહે તે અક્ષર સુધી બાળક લીટો દોરી પહોંચશે.
ત્યાં થી બીજા અક્ષર સુધી પણ લીટો દોરી પહોંચશે.
બાળકે કાળજી એ રાખવાની છે કે, કોઈ પણ 2 લીટી એકબીજાને ક્રોસ ન થાય.
અંતે બાળકે ખૂબ જ સાવચેતી પૂર્વક બહાર નીકળવાનું છે.
માટે જ્યારે પણ બાળક એક અક્ષર થી બીજા અક્ષર સુધી લીટી દોરશે ત્યારે એ કાળજી રાખવી પડે છે કે, અંતે બહાર પણ નીકળવા માટેનો રસ્તો રાખવાનો.
લીટીઓના ગૂંચવાડામાં ફસાઈ ન જવાય કે પછી બહાર નીકળી ન શકાય.
ખૂબજ મજાની રમત છે.બાળકોને એકવાર આવડી જશે પછી, એમની જાતે જ રમ્યા કરશે.
આ રમત થી બાળકોની અંદર એકાગ્રતા અને ચોકસાઈ નો ગુણ પણ કેળવાશે.
( મારું ઓપીનીયન જણાવું તો, આ રમત મારી પ્રિય રમત છે.)
ખર્ચ: આ રમત માટે કોઈ જ ખર્ચ નથી.
ફક્ત કાળું પાટિયું અને ચોક
સ્લેટ અને પેન
નોટ અને પેન
● નીચે જે ફોટો છે તે મુજબ છેલ્લે બહાર નીકળવાનું છે. લગભગ એ રીતે ડિઝાઇન બનશે. બાકી બાળકો એક અક્ષર પરથી બીજા અક્ષર પર કેવી રીતે જાય છે, તે મુજબ ડિઝાઇન બનશે.
જાગૃતિ પંડ્યા
આણંદ
વર્ણ - શબ્દ ( ઓળખ)
બનાવવાની રીત:
એક ચાર્ટ પેપર પર માપપટ્ટી અને પેન્સિલ ની મદદથી વચ્ચે 12 ચોરસ એક સરખાં ખાનાં દોર્યા.
તેની ઉપર અને નીચે 10 ખાના દોર્યા.
ફરી એક ઉપર એક નીચે 8 ખાના દોર્યા.
એમ ઉપર નીચે 2-2 ખાનાં ઘટાડતાં જઈ છેલ્લે 1-1 ખાનું રહે તેમ ખાના દોર્યા.
સ્કેચપેન ની મદદથી તેમાં આડા અવળા અને જરૂરીયાત મુજબ ના વર્ણો અને શબ્દો લખ્યા.
રમવાની રીત:
આ રમત એક એક બાળકને બોલાવીને વારાફરતી રમાડવી.
સૌ પ્રથમ એક નાની રીંગ કે બંગળી લેવી.
શિક્ષક ચાર્ટ પેપર પર બંગળી ફેંકશે.
બંગળી જ્યાં પડે તે વાંચવું. બાળક જેટલાં શબ્દો વાંચે, તેટલાં વંચાવવા.ન વાંચી શકે તો આઉટ.
સૌથી વધુ શબ્દો વાંચનાર બાળકને વિજેતા જાહેર કરવો.
ખર્ચ: 20₹
બેનર કે લેમીનેશન નો ખર્ચ 200₹.
વર્ણવેલ
ધોળા કૂવા, શાળા નં 31,બાકરોલ, આણંદ, વર્ણવેલ ની સમજ મેળવતાં બાળકો.
ધોળા કૂવા, શાળા નં 31.
શાળા નં 30,દર્શન સોસાયટી, વર્ણવેલ ની રચના
શાળા નં 31આણંદ
આ રીતે શાળા માં દોરી શકાય.
આ રીતે જમીન પર દોરવાથી લાંબા સમય સુધી રહેતું નથી, માટે આ વખતે મેં બેનર બનાવડાવ્યુ છે.
રમત રમવાની રીત:
શિક્ષક કોઈ પણ એક અક્ષર બોલશે.
બાળક લંગડી લઈ, તે અક્ષર સુધી જશે.
સાચો જવાબ આપે તો જ બંને પગ જમીન પર મૂકે.
જવાબ ખોટો હોય ત્યાં સુધી લંગડી જ રાખશે.
રમતનો ખર્ચ:
બેનર 3×6 માપનું આશરે 300₹ માં થાય.
પાકા કલર થી કામ કરવું હોય તો 50₹ ના કલર.
જાગૃતિ પંડ્યા આણંદ
સપ્તચક્ર
રમત બનાવવાની રીત:
આ રમત સૌપ્રથમ એક ચાર્ટ પેપર પર દોરી.
સૌથી અંદર એક નાનું ગોળ દોરવું.
તેના 4 ભાગ કરવા, બાળકોને કૂકી મુકવા માટે. તેની ઉપર કોઈ પણ 4 મૂળાક્ષરો લખવા.
તેની બહાર એક બીજું ગોળ દોરવું, અને તે સંપૂર્ણ ગોળ ન રખતાં, સહેજ ખૂણો પાડી ત્રીજું ગોળ દોરવું. એમ કુલ 7 ગોળ દોરવા.
સૌથી અંદર સાદા અક્ષરો, સાદા શબ્દો લખવા.
એ પછીના ગોળ માં કાનાવાળા અક્ષરો અને શબ્દો લખવા.
એ પછી આગળ હસ્વઇ, દીર્ઘઈ, પછીના ગોળ માં હસ્વઉ, દીર્ઘઊ એમ ક્રમશઃ આગળ વધતાં જઈ બારાક્ષરી ના અક્ષરો અને વચ્ચે વચ્ચે શબ્દો કે વાક્ય લખવા.
રમવાની રીત:
આ રમત વધુમાં વધુ 4 બાળકો રમી શકે છે.
બાળક ને પોતાની એક કૂકી જોઈએ.
પાસા ની મદદ થી રમી શકાય છે.
પાસો ફેંકવો, તેની ઉપર જે સંખ્યા લખેલી હોય તેટલા અક્ષરો વાંચતા વાંચતા આગળ ખસશે.
એમ કરતાં કરતાં સાતેય ચક્રો પાર કરી બહાર નીકળી જશે.
કોઈ અક્ષર ન આવડે તો ત્યાં અટકશે,નોંધ કરશે. આવડ્યા પછી આગળ જશે.
● આ સપ્તચક્ર ની બનાવટ એ રીતે કરવામાં આવી છે કે, બાળકો સ્ટેપ બાય સ્ટેપ આગળ વધતાં જાય એમ શીખતા જાય છે.
ખર્ચ: સાદા ચાર્ટ પેપર પર: ફક્ત 10₹.
બેનર નો ખર્ચ 250£
વેસ્ટ લાકડાનાં પાટિયાં પર, કલરથી 25₹.
● અમે શાળા માં,,,ઉપરની ત્રણેય રીતે બનાવ્યા છે, જેથી એક સાથે વધુ બાળકો રમી શકે.
લાકડા ના વેસ્ટ પાટિયા પર.
જાગૃતિ પંડ્યા આણંદ,
શાળા નં 30,
દર્શન સોસાયટી.
(શબ્દ)સંગીત ખુરશી
કાર્ડ બનાવવાની રીત:
શબ્દ સંગીત ખુરશી ની રમત માટે કાર્ડ બનાવવા માટે, મેં ઉનોની રમત માટે ના કાર્ડ લીધાં છે. આ સિવાય ગંજીફાની રમત ના કાર્ડ પણ લઈ શકો આ.
તે કાર્ડ ઉપર સફેદ રંગ ના કોરા સ્ટીકર મળે છે તે લગાવવા. આપણે સફેદ કાગળ પણ કટીંગ કરી ફેવીકૉલ થી લગાવી શકાય.
તે કાર્ડ ઉપર મેં જુદા જુદા શબ્દો લખ્યા.
રમત રમવાની રીત:
આ રમત માં આપણે જેટલાં બાળકો એટલી જ ખુરશીઓ અને એટલાં જ શબ્દ કાર્ડ લેવાં.
બાળકો સંગીત વાગશે ત્યાં સુધી દોડશે,સંગીત પૂર્ણ થયા બાદ બાળકો ખુરશી પર બેસશે.
બાળકે ખુરશી પર લખેલો શબ્દ વાંચવાનો રહેશે.
બાળક શબ્દ વાંચી શકે તો તે બીજી વાર રમશે.ન વાંચી હોય તો આઉટ,આઉટ થયેલ બાળક ફરીથી વારો આવે ત્યારે સારી રીતે રમવા બધાં વંચાતા શબ્દો પર ધ્યાન રાખશે.
દરેક રાઉન્ડમાં શબ્દો નાં કાર્ડ બદલવા.
રમત નો ખર્ચ: 50 ₹ કાર્ડ, 50₹ સ્ટીકર
અમદાવાદ
રમત બનાવવાની રીત:
આ રમત માટે એક ચાર્ટ પેપર લીધું
તેની ઉપર માપપટ્ટી અને પેન્સિલ ની મદદથી 5 ઉભા અને 5 આડા ખાના દોર્યા.
આપણે નાના હતા ત્યારે જે રીતે અમદાવાદ ની રમત રમતાં હતાં, તે જ રીતે રમવાનું છે.
હવે સ્કેચપેનની મદદથી તે પાંચેય ખાનાઓમાં બરાબર વચ્ચે ના ખાનામાં ચોકડી દોરો.
તે દોરેલ ચોકડી ના અંદરના ખાનામાં "ન,મ,ગ,જ", "વ,ર,સ,દ ", " પ,ડ,ત,ણ " ," ક,બ,અ,છ " લખવા.
બરાબર વચ્ચે ના ખાનામાં અ,આ,ઇ,ઈ લખવું.
દરેક ચોકડી ની ડાબી બાજુ ના ખાનામાં અંદર જવા માટે ➡️ નિશાન દોરવુ.
બાકીના ખાનામાં અક્ષરો, મૂળાક્ષરો અને શબ્દો લખવા.
રમત રમવાની રીત:
આ રમત માટે વધુમાં વધુ ચાર વિદ્યાર્થીઓ એકસાથે રમી શકે છે.
ચારેય બાળકોની પાસે પોતાની કૂકી હશે.
રમવાના પાસાની મદદથી, પ્રથમ પાસો ફેંકવો.
પાસા પર લખેલી સંખ્યા મુજબ બાળકો ખાનામાં લખેલું વાંચતા વાંચતા આગળ ખસશે.
જો બાળક ને 4 પડ્યા અને બાળક 2 જ ખાના સુધી ના અક્ષરો વાંચી શકે તો તે આગળ ખસી શકશે નહીં. બીજી કૂકી થી આગળ જઈ શકશે.અને તેની સાથે રમતાં બીજા બાળકો તેને નથી આવડ્યો તે અક્ષર વટાવી આગળ જાય, તે સમયે પેલા બાળકે તે યાદ રાખવાનું છે. પછી તેનો વારો આવે ત્યારે તે વાંચીને આગળ જશે.
એમ વાંચતા વાંચતા આખું રાઉન્ડ પુરું કરીને બાળક એરો દોર્યો છે, ત્યાંથી અંદર જશે.
અંદરના બીજા નાના ખાનાઓમાં વાંચતા વાંચતા વચ્ચોવચ્ચ દોરેલ ખાનામાં જશે.
આ રીતે દરેક બાળક ની ચારેય કૂકી વચ્ચે અંદરના ખાનામાં જશે ત્યારે રમત પૂર્ણ થઈ ગણાશે.
આ રીતે, રમતમાં જે બાળકની ચારેય કૂકીઓ સૌ પ્રથમ અંદરના ખાનામાં જશે તે બાળક ને વિજેતા જાહેર કરવો.
રમત બનાવવાનો ખર્ચ:
આ રમત માં 10 ₹ નો ચાર્ટ અને 10₹ સ્કેચપેન, એમ વધુમાં વધુ 20₹ખર્ચ થાય.
જો લેમીનેશન કરાવવું હોય તો 40₹ ખર્ચ થાય.
પોસ્ટર પણ બનાવી શકો છો.
નોંધ:,,, આ સિવાય બીજા શબ્દો લઈ શકાય.
આવી જ જુદા જુદા શબ્દો ની 2 અલગ અલગ બનાવી શકાય, જેથી બાળકો પોતાને જે નથી આવડતું તે રમત રમે.
આ મેં બનાવેલી રમત નમૂના માટે ની છે.
જાગૃતિ પંડ્યા આણંદ
ન.પ્રા. શાળા નં 30,
દર્શન સોસાયટી.
